أبرز تصريحات الفنان والكاتب السوري “يامن الحجلي” خلال لقائه مؤخراً مع الإعلامي اللبناني “محمد قيس”
💠عن الدراما المعربة “تنمي الحس القهري”
انت اليوم لما لتصنع شخصيات مريخية، وبتعمل مسلسل 30 حلقة عم تفرجيني فيه صالون وبنت حلوة وشب حلو وسيارة لمبارغيني عالباب، اليوم في دراما قائمة عالشب الحلو والصبية الحلوة، هدول مين بيشبهو بهدول المجتمعات العربية اللي عايشين فيها ومين بمثلو؟!….ما بمثلوا حدا، وعم ينموا حس قهري عند المشاهد.
💠عن الوطن ” أكلنا من خير البلد وفيها ربينا”
مافيك تترك البلد..صعب، البلد عطيتك كل شي، فما فيك بس تمرض بلدك تتركا، هي اللي صنعتك، وعطتك أكلما من خيرها وفيها ربينا… صعب تتركا ومؤسف اللي صار.
💠عن ولاد بديعة” “شخصية ياسين ما كانت اللي”
شخصية ياسين ما كانت اللي، كنت رح العب شخصية تانية، بس هاد خيار المخرجة رشا شربتجي، وانا بعتبر ياسين من أصعب الأدوار، لأن مو سهل بلحظة تبكي الناس وبلحظة تضحكهن بنفس التكة، ومو سهل تكون عم تلعب هيك دور وعم تكتب النص وعم تشتغل مع مخرجة صعبة اسمها “رشا شربتجي” ومع محطة كبيرة متل mbc, وبظل رقابة سورية تدقق على الصغيرة قبل الكبيرة
💠رده على عابد فهد” عنده بتقديم مسلسل عن الحمام الزاجل”
كان يقول عابد مش كل سوريا عنف لما قدم شخصية المقدم رؤوف، أبشع نموذج للعنف، أنا بتفاجئ بالزملاء وخصوصا هالكم سنة، عابد كان باعت فويس قبل بنهارين لعلي وجيه مبارك بالعمل، ومبدي إعجابه بتفاجئ أنو مصرح هيك تصريح، أنا أعتقد انو هو متورط سحب لمكان ماعاد قدر يطلع منه، بكل الأحوال منوعدو السنة الجاي نقدم عمل عن الحمام الزاجل”
