كشف الفنان المصري أحمد داود عن أسباب ظهوره بكرش، خلال أحداث مسلسل “زينهم” وتعرّضه لانتقادات بسبب وزنه الزائد في المسلسل.
وذلك خلال لقائه مع برنامج “ET بالعربي”، حيث قال أحمد داود ساخراً: “الكرش دا تعّبنا أوي علشان نعمله وبيقل مع الحلقات ودي كانت فكرة المخرج يحيى إسماعيل، وبصراحة اقتنعت بيها لما قالي أنا حاسس إن زينهم دا شخص بياكل وقاعد في المشرحة وبيفكر ولازم يبقى عنده كرش فسلّمتله نفسي تماماً قولتله يلا نجرّب… قولتله شكلي حامل مش بكرش”.
وتابع داود: “عالم زينهم ميكس ما بين جثث وكوميديا، أول ما قريت الحلقات قلت إيه دا أول مرة أتعامل مع النوعين دول من الدراما كدا فدا اللي عجبني”.
وتحدث عن خطوة البطولة المطلقة في مسلسل “زينهم”، وقال: “مكنتش مستعجل خالص في إني أعمل مسلسل بطولتي مكنش دا هدفي لحد ما جه زينهم عمل التركيبة دي، حبيت الموضوع جداً ولقيت إن هو لايق ولقيت إني متحمّس ليه”.
وأكد أحمد داود أن “زينهم” مقتبس عن أحداث حقيقية، مشيراً إلى أن هناك كيمياء تجمعه بكريم قاسم وسلمى أبو ضيف ظهرت بوضوح على الشاشة.
