تحدث الفنان المصري “أحمد حلمي” عن سر استمرار زواجه من الفنانة “منى زكي” لقرابة الـ20 عاما،وذلك خلال حواره مع الإعلامي “أنس بوخش” في برنامج ABtalks ” حيث قال حلمي: “الناس بتقول أن بعد سنين من الجواز الحب بيختفي لكن في جملة كانت ضمن فيلم، واحد الأبطال وضح الفرق بين الحب قبل الزواج وبعده وقال أن المرحلة الأولى اسمها مرحلة الوقوع في الحب لكن الحب استقرار وهناك خلط بين المرحلتين وعرفت أن دة حاجة منطقية لأن في البداية الاتنين بيكونوا مجهولين لبعض فبيكون في شغف”.
وتابع “متزوج من منى زكي من عام 2002 والجواز حياة أخرى وأهم شيء في الزواج هو الوصول للغة الثالثة لأن الرجل عنده لغة بيتكلمها والست عندها لغة بتتكلمها وزي ما يكون هو بيتكلم انجليزي وهي فرنساوي وفي لغة تالتة مشتركة وهي أن الاتنين يتعلموا لغات بعض، ومهم أن الراجل يقرى كتالوج الست والست تقرى كتالوج الراجل”
وتحدث أحمد حلمي عن أحد أشهر المقولات في العلاقة بين الزوجين وقال “بيتقال أن لما مراتك تبقى متخانقة في الشغل أو مع صاحبتها وانت تقول رأيك وتلبس قبعة الحكيم هي هتضايق وانت مش هتفهم ليه اضايقت لأنها عايزة تتسمع بس وبعد ما تخلص أسألها عن رأيها وبعدها قول رأيك”
كمان لما الراجل بيكون مضايق ومراته تساله مالك فالمفروض تسيبه لوحده واحيانا لو حكى مشكلته لصاحبه دة بيخليها تحس أنها مش مهمة بس بعد شوية هو هيحكيلها عن المشكلة”
أنا بشوف نفسي أب كويس إلى حد ما لأن الأب عنده مسؤوليات وواجبات وفي جزء موجود في كل أب بشكل طبيعي وانا علاقتي بالأولاد كويسة”
