رسالة مطولة ومؤثرة وجهها الفنان المصري #أحمد_زاهر لابنته #ليلى بعد أيام من احتفالهم بزفافها على المنتج والفنان #هشام_جمال.
حيث كتب عبر بوست في فيسبوك: “وأنا داخل أرقص معاكي، شفت وشك اللي زي القمر، أجمل عروسة في الدنيا كلها، بصيت في عينيكي، وفجأة مر قدامي شريط ذكريات من أول لما جيتي الدنيا، وأنا أول واحد شيلتك بين إيديا، وشفت كل لحظة وإنتي بتكبري قدام عنيا، لحد اللحظة اللي إحنا بنرقص فيها مع بعض وإنتي عروسة زي القمر، وخلاص هاتسيبيني وتمشي مع عريسك.
وأضاف: “حسيت بمشاعر كتير متناقضة ومختلفة، والدموع نزلت من عيني غصب عني. وحسيت إني عاوز أقولك لا، متمشيش وتسيبيني، وارجع في كلامي، بس في نفس الوقت أنا عارف إن دي أجمل لحظة في حياتك، إنك اخترتي اللي بتحبيه وبيحبك، وبصراحة اخترتي صح.. راجل محترم، وبيحبك وبيقدرك، وهايشيلك جوا عنيه زي ما وعدني”.
واختتم رسالته: “مبروك يا بنت عمري، يا بنت قلبي، بحبك يا أجمل بنوتة، وأجمل عروسة في الدنيا كلها، بحبك يا ليلى”.
