تحدث الإعلامي المصري عمرو أديب عن حملات المقاطعة وأشار إلى أنه حذر منها في بدايتها، موضحاً أن المواطن المصري هو الذي يتضرر.
وخلال حلقته من برنامج “الحكاية” قال عمرو أديب: “أزعم إني من أوائل الناس اللي حذرت من موضوع المقاطعة والخبر الحلو إن المقاطعة ماشية كويس مش في مصر بس لكن في دول كتير، الناس بقت تتكسف تتواجد في الأماكن دي بقا في إحساس بالمسؤولية ورفض”.
وتابع عمرو: ” والخبر الوحش إن المقاطعة دي مش واصلة خالص لأصحابها، فاللي بتقاطعه مش هنا وانت مش بتمثله غير شيء رمزي واللي بيتأثر المواطن المصري”.
وأضاف أديب: “المبيعات قلت في في شركات ومطاعم فبالتالي هيمشوا ناس والغلابة منهم والناس دي بتمشي ومبترجعش تاني والكلام دا بيحصل في وضع اقتصادي مؤلم وفي ناس كانت بتشتغل بالمكافأة والبقشيش الناس دي مين هيقف جنبهم الدولة متقدرش لأن دي آخر مشاكلها”.
واختتم عمرو أديب : “أنا مقدر مشاعركم علشان نقف جنب الفلسطينيين، طاب مين هيقف جنب المصريين”.
والجدير بالذكر أنه تنتشرت عبر وسائل التواصل الاجتماعي حملات لمقاطعة كل المنتجات التي أعلنت دعمها لإسرائيل جراء الحرب على غزة، واستبدال هذه المنتجات بأخرى مصرية.
