بشكل مفاجئ ةصادم، قرر الفنان السوري “حسام جنيد”, اعتزال العمل الفني بعد سنة من التاريخ الحااي، وذلك بسبب تعرضه المحاربة الشرسة في الساحة الفنية من قبل ما وصفه برجل أعمال مرعب وذو نفوذ.
حيث شارك جنيد منشوراً عبر حسابه الرسمي على فيسبوك جاء فيه: “حبايب قلبي وجمهوري الغالي والحبيب ولكل شي دعم وساند حسام جنيد بكل هالسنين الي تعبتو معي فيها”.
وأكمل بالقول: “بسبب الظروف القاسية الي عم امرق فيها …. انشالله رح بتكون هي اخر سنة الي بالفن….. كونو عندي التزامات مع متعهدين حفلات واعراس وسفر والتزامات بالاغاني مع ملحنين وشعراء يعني كل شي عندي اغاني رح تسمعوها هي السنة كل اسبوع اغنية….. رح بتقولو ليش…. 1.. لانو في رجل اعمال سوري كبير والو نفوذ بكل العالم عم يرعب المتعهدين وصاحبين المصلحة انو مايشغلوني ولا يتعاطو معي…. ليش لانو هوي بيخوف…. وحاولت ابعتلو اخبار لاعرف ليش من كل الجهات وما اتجاوب شو السبب انا مابعرف على كل حال اليوم زمن السلطة والمصاري”
مضيفاً وشارحاً السبب الثاني: “لانو متعهدين الحفلات بلبنان والي معتبرين حالنا واحد كمان شانين حرب كبيرة على حسام جنيد لحتى يبيضو وجه”
وأكمل: “لحتى تعمل جوا لازم اتسب واترقص واتغني اغاني مو ظابطة ابدااا حاولت بس ماقدرت صوتي وفني اكبر منون بكتير بقا رح اترك بكرامتي احسن”
وأكد جنيد احترامه وحبه لجميع زملائه في الوسط الفني: “أنا بحترم كل الفنانين ولا بيعمري اذيت حدا….. وانتو رح تكتشفو الاصوات السنة الجاي… لانو مابقا حدا غبي…. بقا ياحبايب روحي … الاغاني الي جاهزة عندي رح تنزل على قناتي على اليوتيوب كل اسبوع اغنية وطبعا قناتي رح بضل موجودة ورح ينزل عليها اغاني وتسمعو الصح لاخر السنة ورح اعمل الحفلات الي ملتزم فيها كرمال ماحدا يزعل مني وامانة الله اذكروني بالخير وانشالله الاغاني الي رح بتنزل بتعجبكم”
مختتماً بالقول: “أخوكم الصغير حسام جنيد بحبكم من كل قلبي”
