وضح الفنان المصري “كريم قاسم” خلال أحدث التصريحات الإعلامية له عن سبب تأخره في الزواج، مشيراً إلى أنه حذِر جداً في اختيار شريكة الحياة، لأن خطوة الزواج ليست سهلة والحياة بشكل عام أصبحت صعبة، وكاشفاً عن مواصفات فتاة أحلامه.
حيث أكد قاسم في تصريحات صحافية أن أهلهلا يضغطون عليه من أجل فكرة الزواج: “أهلي مش بيضغطوا عليا خالص في موضوع الجواز، وبحمد ربنا إنهم مش بيعملوا كده، وأنا مش مرعوب من الجواز، ولكن حذر جداً وأنا بفكر في اختيار الشريكة، وبحاول أتعلم من تجارب اللي حواليا، لإن الجواز مش سهل والحياة عامة مش سهلة، وأكيد بتأثر بالقصص اللي بتحصل حواليا، وأتمنى الواحد ياخد الخطوة دي واللي يحصل يحصل”.
وأضاف: “بدوّر على عروسة مثالية ولكن مفيش حد مثالي في الحياة، فبشترط مجموعة من الصفات تكون موجودة فيها”.
وعن إمكانية سفره واستقراره في الخارج، أشار كريم إلى أنه لا يفكر أبداً في هذا الأمر إذ إن القضايا والموضوعات والمشكلات التي يرغب في مناقشتها معظمها في الداخل، حيث قال: “فكرت أسافر بره وأنا صغير وأدرس تمثيل وأروح كندا، ولكن والدي قال لي أقعد هنا وادرس هنا، ولما تخلّص سافر، وسمعت نصيحته وما سافرتش”.
وأضاف: “أنا في الآخر ممثل مصري، وعشت هنا واتربيت هنا ودي ثقافتي ولغتي، والحواديت والقصص اللي حابب أحكيها في أعمالي الفنية من هنا، وأكيد الشغل بره بيدي خبرة، وبيخليك تشوف الناس بتشتغل إزاي بحرفية وبنظام، لكن المواضيع اللي موجودة بره وبتناقش قضايا العرب محدودة، ولو موجودة بتكون محصورة في نوعية معينة زي اللاجئ أو الإرهابي، مفيش حواديت وقصص غنية بتتكلم عن العرب زي ما إحنا بنتكلم عن نفسنا، وإحنا عندنا حواديت كتير جداً ممكن تتحكي، والفرص اللي بره محدودة وقليلة وعمر صوتنا ما هيكون مسموع زي ما هو مسموع هنا. بحاول أمسك العصاية من النص ومش باخد المخاطرة، لإني بحاول أمشي في المنطقة الآمنة”
