كشف الفنان المصري محمد رمضان، رأيه حول الجدل الذي أثير خلال الأيام الماضية بسبب تصريحات الفنان بيومي فؤاد التي شن من خلالها هجوماً على الفنان محمد سلام، بعد انسحابه من مسرحية “زواج اصطناعي” ضمن موسم الرياض.
ومن خلال مقطع فيديو نشره محمد رمضان عبر حسابه على إنستغرام قال: “مساء الخير عليكم، مساء الخير لكل جمهور عربي، راس مال أي فنان هما الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وامي يدعوا ان ربنا يحبب فيا الناس ويحبب فيا الجمهور اللي هو حضراتكم”.
وأضاف محمد: “شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام، كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين”.
وتابع رمضان: “لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده، وكل اللي بسمعه خلال الأيام اللي فاتت عن سلام انه مش هيشتغل تاني ده مش هيحصل”.
واختتم محمد رمضان كلامه: “لا احنا كفنانين هنسمح بده ولا الجمهور هيسمح بده ولا احنا مع اللي بيحصل في بيومي بعد ما قفل التعليقات بسبب الانتقادات اللي بتجيله، ياريت نكون أحن من كدة على بعض”.
