شاركت الفنانة المصرية #ملك_زاهر جماهيرها عبر انستغرام فيديو يجمعها بشقيقتها ليلى ووجهت لها رسالة مؤثرة من خلاله.
حيث كتبت ملك: “محدش عاش اللي أنا وانتي عشناه، من أول ضحكة وإحنا أطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، وآمان، وضحك، ومشاركة، علاقتي أنا وانتي مش شبه أي حد، مش مصدقة إن الوقت جري كده، كنّا لسه صغيرين، وبنتخانق على اللبس، وبنستخبى من ماما، وفجأة… لقيتك لابسة فستانك الأبيض، أحلى عروسة شافتها عيني”.
وأضافت ملك أحمد زاهر: أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري
حاسة إنك بنتي مش أختي.
وتابعت ملك أحمد زاهر: امبارح… بنتي اللي كانت بتتجوز مش أختي، وأنا الفرحة مش سيعاني، بس في نفس الوقت، وحشتيني أوي من دلوقتي، إنتي مش بس أختي حبيبتي، إنتي أحلى حاجة حصلتلي في حياتي. وهفضل دايمًا أقرب واحدة ليكي، أحنّ حضن، وسند من غير كلام.
