ردت الفنانة اللبنانية نادين نسيب نجيم على انتقادات بشأن أحدث إعلان لمنتج “lip oil” من علامة شركتها Nadine Njeim Beauty، عبر فيديو على حسابها في سناب شات.
حيث ردت نادين قائلة: “قال بكفي صور بالبانيو، على رأي ما بعرف مين، حدا بيضل ينكّت عليي مفكّر حاله مهضوم. إن شاء الله بتتصوّر بالطنجرة، شو بدّك فيي؟ أنا يمكن شايفة إنو هيك عبالي، وهيك بيناسبني وبيناسب ال-product”.
وتابعت: “بشو متعبتك أنا؟ مزعوجة من البانيو؟ نقلي علمطبخ. كتير بحبّو حدا يعملكن بلوك. شي غريب عجيب العالم والله العظيم.”
وأكملت نادين حديثها: ” في وحدة بتقلّي في إيحاءات. إنتي نيّتك عاطلة. إيحاءات شو؟ وحدة قاعده عم تتصور وقعدت تحكي إنو هيدا الشي مرطب. هيدا lip oil بيعطيك ترطيب وبتحسي إنو شفايفك مرطبة”.
وأضافت قائلة: “مشان هيك عبّرنا في بقصة الماي وهي مش أول مرة منشوف هيك دعاية في كتير عالم مرقت فيها لهل نزلة بالبانيو، وما بدا هالقد إنو ليش هلقد إتضايقتي؟ مدام نظفي ظنونك. نيتك مش منيحة، نيتك ما بتسوى.”
والجدير بالذكر أن نادين ظهرت في الاعلان الترويجي لماركتها، جالسةً داخل حوض الإستحمام، مروجةً لمنتج وهو زيت مرطب للشفاه.
