نادين نجيم توجه رسالة حادة اللهجة بأسلوب استهزائي لكل محاربيها على السوشيال ميديا.
حيث ظهرت في مقطع فيديو مصور عبر حسابها الرسمي على انستغرام ضمن جلسة مكياج، وقالت ضمنه: “ألو، تست تست، اشتريلي 5 آلاف حساب مزيّف وابعتلي ياهن عند نادين نجيم، بدي ياهن يكتبوا عنها بشعة متسلّقة فاشلة، ما تخلّو فيها كلمة، تناولوها 360 درجة ما تخلوا ولا درجة تزمط منكم اوك “.
وتابعت: “هيك ببلش السكيتش، بيرن التلفون، تست تست ( لأنو حيّة)، شو مين، نادين نجيم ؟؟ عندها مسلسل ؟؟ اديش 30 حلقة ؟؟ العمى بقلبها عمي .. عرفتوا شو هي القصة ؟؟ كمان راجعة بقوة !! العمى بقلبها ما خلت شي ما عملتو ..”.
مضيفة: “كيف هيك انا ما عم إفهم، ما خلّيت شغلة أنا ما عملتها، حيّرتني هالمخلوقة، ما خليت عليها خبرية، بدي دمرلها الصورة تبعها، كيف عم تعمل مسلسل مش على أساس خلص”.
