كشف الفنان اللبناني “نيقولا معوض” عن الصعوبات التي واجهها أثناء تعلمه اللهجة المصرية، وذلك خلال إجابته على سؤال الإعلامية “إنجي علي” خلال تواجدهما في مهرجان البحر الأحمر السينمائي، عن كيفية ترشيحه لأول أدواره في مصر وهي شخصية الشيخ فاروق في مسلسل “ونوس”.
وقال معوض “أكتر شخصية كانت بعيدة تماما عني كانت أول شخصية قدمتها في مصر وهي الشيخ فاروق في مسلسل “ونوس” هو كان إمام مسجد ومصري وبعد كدة بقى داعية فهو مفيش فيه حاجة شبهي بس دي متعة أنك تقدم شخصية مختلفة عنك”
وتابع “تواجدي في المسلسل جية بالصدفة لأن واحد صاحبي كان مخرج منفذ في المسلسل وانا مكنتش اعرف وقدم فيديو لأعمالي للمخرج شادي الفخراني من غير ما اعرف هو قالي بعد ما عرض الفيديو وبعدها شادي طلب مقابلتي وهو اللي شاف فيا الشيخ فاروق وكان الوحيد اللي شايف دة حتى أنا مكنتش شايفني في الدور وهي دي قوة المخرج وبقدر في شادي جدا أنه مش بيمشي ورا الكلاشيهات”
وأضاف “بعد المقابلة اخدت 17 حلقة وقريتهم في نفس اليوم ووافقت على طول وكانت المشكلة عدم اجادتي للهجة المصرية لكن شادي قالي خلي عندك ثقة فيا”
