علقت الكاتبة السورية “رنا الحريري”، في ردها الأول بعد أن ضجت مواقع التواصل الإجتماعي بخبر طلاقها من زوجها الفنان السوري “باسم ياخور”، بعيداً عن الإعلام.
حيث نشرت الحريري ستوري عبر حسابها الرسمي على انستغرام وجاء فيها: “لأني بعرف أنو حياتي الخاصة صارت فجأة محور اهتمام، اسمحولي حول اهتمامكم للمكان الصح والأفضل، لقضايا أهم بكتير مني ومن حياتي، لقضايا لازم كلكم تحكوا فيها لانها فعلاً بحاجة لأصواتكم واهتمامكم ولكل التغطية الإعلامية الممكنة”.
وتابعت الحريري: “عن كل المرضى والاشخاص اللي بعانوا من مشاكل صحية، ومو قادرين يدفعوا تكاليف علاجهم وبحاجة مساعدة مالية، وشو الحل بالنسبة الهم، عن كل العاطلين عن العمل واصحاب الدخل المحدود اللي عم يحاولوا يلاقوا فرصة دون جدوى، او يلي عم يشتعلو مقابل رواتب ما بتكفي لتغطية مصاريف عدة أيام بالشهر”، متسائلة “هدول الاشخاص…كيف بدهم يعيشوا؟”.
كما قالت: “عن ارتفاع الأسعار بشكل لا يتناسب مع دخل الناس عن كبار السن والمتقاعدين وأوضاعهم، عن الأيتام وشو عم يصير فيهم؟”.
وأعربت خلال حديثها عن امتنانها لمن يبعث لها برسالة محبة ونابعة عن اهتمامه، وعن حبه الصادق، حيث قالت ” أنا ممتنة فعلاً لاهتمامكم ولكل رسالة وكلمة حلوة ولكل نصيحة، وبقدر طمنكم عني موضوع زواجي ما رح تغير شي بحياتي”.
واختتمت حديثها: ” أنا بخير وحياتي رح تستمر بكل الاحوال،؛بس في ناس غيري مو بخير وبحاجة مساعدتكم”.
يذكر أنّ رنا تزجت من الفنان السوري وانجبت منه ولدهما الوحيد “روي”.
