أحمد العوضي وقصته مع عمال البوفيه
في تصريح سابق للفنان المصري “أحمد العوضي”, تحدث عن الطريقة التي يتبعها لقياس مدى نجاح أعماله، حيث قال أنه يحصل على انطباع النجاح من عمال البوفيه وآرائهم، إلا أن هذا التصريح عرضه للسخرية، حيث انتقده الجماهير معتبرين كلامه سطحياً.
هذا الأمر دفع العوضي ليرد قائلاً: “عامل البوفيه هو إنسان له رأي وإنه يقدرهم كثيرًا، ويعتمد على انطباعاتهم كجزء من تقييمه لأدائه.
وأضاف: “فيه ناس قفشت عليا في كلمة إني قولت بآخد انطباع نجاحاتي على الدور من عامل البوفيه، وعلقوا إزاي قولت عامل البوفيه”.
مكملاً: “وهو عامل البوفيه ده مش بني آدم وبعض الناس شافوا أن الموضوع سطحي، وأكيد أنا مش شايفك أنت عشان تحكم عليا، أنا مقدره هو وعشان أعرف أني بمثل حلو، مش هجيب ناس معينة آخد منها الرأي يعني، وبقولها تاني إني باخد انطباع نجاحي على الدور من عامل البوفيه، وأنا مش بضايق من الكوميكس اللي بتتعمل عليَّ”.
