هند صبري وتفاصيل “البحث عن العلا”
أعلنت الفنانة المصرية “هند صبري”، خلال أحدث تصريحاتها الإعلامية عن اقتراب طرح الجزء الثاني من مسلسل “البحث عن علا”، والذي تشارك فيه كمنتج ومشرف على ورشة الكتابة بالإضافة إلى البطولة.
وجاء في أبرز تصريحات صبا ما يلي:
في الجزء ده من “البحث عن علا” احنا بنكمل مشوار “علا” في البحث عن نفسها، اللي عمره ما بيتوقف أو يوصل لمرحلة النهاية طول ما الإنسان عايش.
كنا حريصين إننا نحافظ على “علا” اللي الناس عرفتها وحبتها، منروحش بيها في أي حتة الناس ما تتقبلهاش، لازم تعمل اللي الناس منتظرينه منها هيزعلوا، عشان كده قررنا البداية من الشغل، ومحاولاتها التوازن بين شغلها وبيتها وولادها، ده التحدي اللى كلنا فعلا بنواجهه وانا شخصيا بواجهه وحاسه اني بلعب بالكرات في السيرك وخايفة حاجة تقع مني”.
أما عن مشاركة الفنان ظافر العابدين فتحدثت قائلة: “أنا وظافر أصدقاء، أنا كلمته من 12 سنة عشان يشارك في مسلسل “فيرتيجو”، وكمان أنا في “البحث عن علا” منتجة، فطبيعي إني أكلمه، ظافر معندوش هوس النجم الأوحد اللي يرفض يشارك في عمل مش بطولته المطلقة، واحنا بنكتب دور (كريم عابد) من البداية احنا شايفين ظافر، هو اللي اتوفرت فيه كل صفات الشخصية (وسامة زيادة زي ظافر وقبول وكاريزما وبيتكلم فرنساوي) فمكانش قدامنا غير ظافر أو إننا نعمل كاستينج وندور على حد جديد.
