حلّ الفنان اللبناني مروان خوري، ضيفاً في برنامج “الزمن” الذي تقدّمه الإعلامية راغدة شلهوب، وتحدث عن طفولته ومراحل كثيرة من حياته الشخصية والفنية، وصولاً إلى تفاصيل علاقته الزوجية.
حيث كشف مروان بعض التفاصيل عن علاقته مع زوجته ندى رمال، فقال: “ندى عندها مواصفات خلتنا نكون مع بعض رغم انو في بيني وبينها أون واوف في صراع، مافي انسجام تام، منترك فترات طويلة، وقبل مانتزوج تركنا ٧ أشهر انقطاع تام، وعملتلها اغنية حدا عارف عنا شي، وكانت المبادرة مني اكتر، بس بنعرف تماماً أنو عنا مشاعر لبعض حلوة”.
وأوضح أن غيرة زوجته ندى متّزنة ومقبولة ولا تلاحقه في كل التفاصيل، إذ قال: “بتغار عليي بس مش كل الوقت هيي، مش من النوع الي بقول مع مين عم تحكي، انت وين كنت، فرجيني التلفون، هدول مش موجودين بس أحيان إذا كنا قاطعين بطريق وقطع حدا واطلعت شوي بتقلي على مين عم تطلع”.
واضاف: “لازم نتكيّف مع إطار جديد للحياة، هالشي مش أمر سهل لكن لنربح الحياة الجديدة علينا بذل مجهود”.
وفي حديثه عن رأيه بالزواج قال مروان: “أنا عندي رأي بالزواج لسا محافظ عليه حتى بعد ماتزوجت وهو أنه أصعب شي ومؤسسة صعبة جداً الزواج، انا كان عندي نوع من الرؤية حتى ندى مرة مزحت معي قالتلي انت كنت أذكى واحد ماتزوجت ليش غيرت رأيك”.
