تامر حسين وعزيز الشافعي يهاجمان “عمرو مصطفى”
هاجم تامر حسين عبر صفحته على فيسبوك، مواطنه الملحن “عمرو مصطفى”, بعد أحدث تصريحات إعلامية له، والتي كانت تحمل نوع من الاستفزاز والتقليل لزملاءه “تأخر حسين”، و”عزيز الشافعي”.
حيث كتب قائلاً:”رداً على فيديو المُلحن سليط اللسان قبيح القول، أنا فعلاً غلطت لما قُلت على المُحترمين المُبدعين مدين أو عزيز الشافعي زمايلك على أساس انك معانا ف الوسط وراجل كُنت ملحن كبير وعاقل”.
وأضاف:”وحذرتك تتهم حد ناجح ومكسر الدنيا بالباطل والإفتراءت الكدابه اللى بتخترعها فى أى نجاح كبير يلتفت حواليه الناس و إنت لا ترتقى إنسانياً تبقى زميل ل واحد فيهم شتان فرق الأخلاق ده انا اللى بعتذرلهمُ على التشبيه الغير موفق مني ظلمُتهم “.
وتابع تامر حسين:”ثانياً لو جبت سيرتك بالخير ف أنا بعمل بأصلى فى اي لقاء واي برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك، عشان لما حد من الجمهور المحترم يشوفنى مايقولشى عليا قليل الأصل ونتساوىّ ف القُبح ودى أخر مرة حاغلط وأجيب سيرتك لانى ما بقيتش ب أتشرف بيها وب أتكسِف منها”.
واستكمل :”الناس عارفه كويس وفاهمه مين فينا صادق ومين كداب بالمواقف والسنين والإحترام والتقدير، والحمد لله أنى ربنا أنعم عليا وخلانى شخص سوي و ب أعقل كلامى واحترم نفسي لا ف قلبى غل ولا حقد ولا ب أعترض، على اللى ربنا كاتبهُ ل زمايلي ببارك للجميع بقلب أبيض ماب أقللش من مجهودهم ونجاحهم، دى أخر رسالة تتقالك ب إحترام ال جى حابقىّ عداني العيب، إحترم سنك إحترم نفسك إحترم انك عندك أسرة مايصحش، يبقى من بعد ما كان نجاحات يبقى خِناقات وسيرة سيئة، لإن ماحدش حايسكُت لك تانى على أى تجاوز”.
بينما كتب عزيز الشافعي:”ريحة الشياط مش حلوة لو طالعه من المطبخ، لكن مسك و عنبر لما تطلع ف فيديو، مابتعرفش تعمل طرب انت غير ف الصياح بس ماشاء الله عليك”.
