حلّ الفنان اللبناني “سعد رمضان” ضيفاً في برنامج “ألبوم حياتي”، وتحدث عن أخطاء لن يكررها، وكشف تطلعاته لزوجته المستقبلية.
وفي سياق الحديث عن موضوع فتاة أحلامه، قال: “إذا كانت محجبة أو غير محجبة مابيعنيلي الموضوع”، وتابع الفنان سعد عن رأيه بالزواج من غير دين قال: “هاد الموضوع بفكر فيه أوقات بس مابحس أنو كتير بيعنيلي إذا كانت مسلمة أو لا، أنا بدي فتاة خصوصي بهالوقت إنسانة تكون بتحبني وتوقف حدي، بدي بنت تكون حدي حتى إذا بطلت كون سعد رمضان المشهور”.
وتحدث سعد عن رأيه بالمساكنة قائلاً: “أنا بعتبر المساكنة غلط، جربتا قبل متل ماجربت الكحول قبل و ندمت، أنا بحكي لأنصح المتأثرين فيي، وأنا مش مع المساكنة أولاً لسبب ديني وبتكون تحرق مراحل، وربنا سبحانه وتعالى خلقها مراحل والحياة حلوة نعيشا كل مرحلة بمرحلتا”.
وعن سؤال رمضان عن الخيانة رد: “خيانة جسدية مابخون بس أوقات الواحد بيتطلع اوقات الواحد بيغلط بيحكي كلمة بس خيانة خيانة مابخون”، موضحاً بأنه من المستحيل أن يستغل مشاعر الفتيات أو يخدعهن ولا يدعي الحب إن لم يكن يشعر به، لأنه يفكر بشقيقته ويخاف عليها كثيراً من عواقب الأمر.
وأضاف رمضان، أنه إنسان عاطفي جداً، ويقدّس الحب ويقدّره، ويجد صعوبة باتخاذ قرار الزواج؛ لأنه يحتاج تفكيراً وتقبلاً وتفهماً لاحتياجات الآخر.
