تحدثت الفنانة السورية #كندة_علوش خلال حلولها ضيفة على برنامج #كلمة_أخيرة مع الإعلامية #لميس_الحديدي عن تجربتها الرمضانية الفائته، في مسلسل اخواتي الذي شاركت فيه إلى جانب نيللي كريم وروبي وجيهان شماشرجي
حيث قالت علوش: “مش أي مخرج وهو بيقرا الورق ممكن يختار (كندة) في الدور ده، لأنه مش شبه الأدوار اللي قدمتها قبل كده أو اتعرضت عليّ.”
وتابعت: “لما المخرج عرض علي شخصية (ناهد)، قلت له: إيه الزاوية اللي شفتها فيّ خلتك ترشحني للدور ده؟ قال لي: أنا عارف إنك تقدري، وإن عندك (حتة) ممكن تطلعي منها ناهد. وصحيح هو ماكنش واثق 100%، لكن أعتبرها مغامرة خضناها سوا، وده خلاني أحس بمسؤولية كبيرة.”
فيما اختتمت حديثها: ‘طول الوقت وأنا بشتغل على الدور، كان جوايا صوت داخلي بيقول لي: مش عايزة أخذل المخرج، ولا عايزاه يندم إنه اختارني, كنت حابة أثبت لنفسي إني قدّ التحدي، خصوصًا إني راجعة بعد فترة غياب عن الشاشة، وكنت حابة تبقى العودة بدور يترك أثر ويحقق صدى كويس.”
